Isa Mustafa i bën thirrje diasporës që të votojnë për kandidatët e partive popullore

Aktuale

Isa Mustafa i bën thirrje diasporës që të votojnë për kandidatët e partive popullore

Më: 23 maj 2019 Në ora: 18:37
Isa Mustafa

Kryetari i LDK-së, Isa Mustafa, u ka bërë thirrje bashkatdhetarëve tanë në diasporë që të votojnë për kandidatët e partive popullore.

“Nga sot fillojnë zgjedhjet në Bashkimin Evropian. Bashkimi Evropian është objektivi ynë! Lidhja Demokratike e Kosovës punon fuqimisht në zhvillimin dhe forcimin e bashkëpunimit mes vendit tonë dhe Bashkimit Evropian. Në këtë frymë, LDK është anëtare dhe bashkëpuntore serioze e Partive Popullore Evropiane”, shkruan Mustafa në Facebook.

“Popullizmi është një kërcënim serioz për të gjithë ne. Partitë Popullore Evropiane kanë nominuar z. Manfred Webber, për udhëheqës të Komisionit Evropian, një mik të LDK-së dhe Kosovës. Z. Weber dhe të gjithë kandidatëve të EPP në këto zgjedhje, ju urojmë suksese dhe fitore.

Bashkëatdhetarë/e të nderuar/a, kësaj rradhe është më se e nevojshme që të votoni. Të votoni për kandidatët e Partive Evropiane Popullore, për një Evropë më të fortë dhe për një Evropë të arsyeshme dhe jo populliste.

Ndërsa mikut tim, z. Daul, Kryetarit të PPE-së si dhe z. Webber, si udheheqës të kesaj fushate, ju uroj suksese në këto zgjedhje të rëndësishme për Bashkimin Evropian!”, shprehet ai.

commentFirst article
Sot mund të lexoni Shfletoni kopertinat