Ramush Haradinaj: Reflekto Vuçiq, është koha që... - Bota Sot
Ramush Haradinaj: Reflekto Vuçiq, është koha që...

Aktuale

Ramush Haradinaj: Reflekto Vuçiq, është koha që...

Nga: N.Sh Më: 24 maj 2019 Në ora: 15:15
Ramush Haradinaj

Kryeministri i Kosovës, Ramush Haradinaj i ka bërë thirrje presidentit të Serbisë, Aleksandër Vuçiq që të reflektojë dhe t’i ndryshojë qëndrimet.

Ai thotë se, shteti i Kosovës është edhe shteti i serbëve të Kosovës.

Haradinaj thotë se, Kosova është gati për marrëveshje me të cilën pranohet realiteti i dy shteteve në kufijtë ekzistues.“Reflekto Z. Vuçiç! Është koha që të prezantosh vlera europiane dhe jo qëndrime të cilat i ke prezantuar në të kaluarën, qëndrime këto që kanë shkaktuar tragjedi dhe dhimbje. Shteti i Kosovës është edhe shteti i serbëve të Kosovës, një shoqëri që ne e ndajmë së bashku.

Neve na duhet shpresë dhe Kosova është gati për marrëveshje me të cilën pranohet realiteti i dy shteteve, në kufijtë ekzistues dhe respekt reciprok”, shkruan Haradinaj në Facebook, transmeton gazeta “Bota sot”.

Ishte Vuçiq ai që tha sot Serbia ka përgatitur masa të fuqishme kundër Kosovës, duke shtuar se me serbët e Kosovës do të takohet sërish pas takimit të Parisit.

“Kemi përgatitur masa të fuqishme dhe të ashpra kundër Kosovës, por do të shikojmë që me to të mos i rrezikojmë njerëzit tanë në Kosovë. Me serbët e Kosovës do të takohemi sërish pas takimit në Paris”, ka deklaruar presidenti serb.

Ai ka shtuar se janë në dijeni se forcat speciale të Policisë së Kosovës, ROSU, janë në gjendje gatishmërie dhe ka ftuar bashkësinë ndërkombëtare që të pengojnë “qëllimin për arrestimin e serbëve”.

Siç ka deklaruar ai, në Paris nuk do të ketë kurrfarë bisedimesh për Kosovën dhe statusin e saj, nuk do të ketë kurrfarë bisedimesh pa heqjen e taksave.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...