A janë taksa dhe dialogu shkaqet që LDK po kërkon rrëzimin e kësaj Qeverie, flet Arben Gashi - Bota Sot
A janë taksa dhe dialogu shkaqet që LDK po kërkon rrëzimin e kësaj Qeverie, flet Arben Gashi

Aktuale

A janë taksa dhe dialogu shkaqet që LDK po kërkon rrëzimin e kësaj Qeverie, flet Arben Gashi

Më: 24 maj 2019 Në ora: 23:54
Arben Gashi

Deputeti i LDK-së, Arben Gashi konsideron se ka qenë situatë e pafavorshme që vendi të shkonte në zgjedhje shkaku i dialogut me Serbinë apo i taksës së vendosur ndaj këtij shteti dhe Bosnjë e Hercegovinës.

Sipas tij, prioritetet e LDK-së kanë hyrë në një fazë tjetër dhe tani po kërkohet dinamika e veprimit politik opozitarë.

“Në aspektin e arsyetimit publik mendoj se situata ka qenë e pafavorshme që ne të shkojmë në zgjedhje si rezultat i taksës së vendosur ndaj Serbisë. Pra, taksa e vendosur ndaj Serbisë nuk e kemi konsideruar asnjëherë që duhet të jetë element që ne ta rrëzojmë Qeverinë dhe po ashtu bisedimet me Serbinë nuk janë elemente që duhet me kriju ose me rrëzu Qeveri në Kosovë.

Pra, si princip mendoj që ju keni të drejtë, por si aktivitet politik mendoj se prioritetet Lidhjes Demokratike të Kosovës tashmë janë në një fazë tjetër dhe po mendoj se po hyjmë në një dinamikë të re të cilën është dinamika e veprimit politik opozitarë dhe pastaj e koordinimit me partitë e tjera përpos kur është afati optimal për të shkuar në zgjedhje,” – ka thënë Gashi.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...