Botuesi i gazetës kombëtare “Bota sot”, Xhevdet Mazrekaj, e ka komentuar rastin e haraçit që ka ndodhur për një klient nga ish-kreu i SHIK-ut, Kadri Veseli dhe Xhavit Haliti.
840 mijë euro është haraçi që i është kërkuar Faton Dalladakut.
Kështu ka deklaruar avokati i tij, Skënder Musa, i cili ka theksuar se këtë shumë është detyruar ta paguaj klienti i tij.
Sipas avokatit, Dalladakut i kanë thënë se, kontratën për Spitalin do ta nënshkruajnë në Pejë, në praninë e Kadri Veselit, tash kryetar i PDK-së dhe i Kuvendit të Kosovës, dhe Xhavit Halitit.
E Mazrekaj për këtë, ka shtruar një pyetje, “paramendoni se sa haraç është paguar për 20 vite”?
Më poshtë, lexojeni postimin e plotë të botuesit të gazetës “Bota sot”, Xhevdet Mazrekaj:
840 mijë euro haraç vetëm prej një klienti për Veselin dhe Halitin!!
Avokati i Faton Dalladakut, Skënder Musa ka thënë se klienti i tij është detyruar të paguajë haraç 840 mijë euro. Atij i kishin thënë se kontrata për Spitalin do të nënshkruhej në Pejë, në praninë e Kadri Veselit dhe Xhavit Halitit.
Paramendoni se sa haraç është paguar për 20 vite!