Shqiptari nga Kosova padit Serbinë për dëmet në luftë, kërkon 700 mijë euro dëmshpërblim - Bota Sot
Shqiptari nga Kosova padit Serbinë për dëmet në luftë, kërkon 700 mijë euro dëmshpërblim

Aktuale

Shqiptari nga Kosova padit Serbinë për dëmet në luftë, kërkon 700 mijë euro dëmshpërblim

Më: 26 maj 2019 Në ora: 20:38
Bashkim Fetoshi

Bashkim Fetoshit nga fshati Xërxë e Rahovecit, përveç torturave që përjetoi gjatë luftës, forcat serbe ia dogjën edhe të gjitha bizneset që kishte.

Restorantin, furrën e bukës e vullkanizerin në të cilat investoi nga puna që bënte në Gjermani, ia shkatërruan në tërësi, duke mos i kursyer asgjë, raporton KTV.

Në vitin 1998, pas dëmeve që iu shkaktuan, u detyrua të ikte në Shqipëri.

Fetoshi thotë se pas shkatërrimit të lokaleve, një grup ekspertësh në atë kohë, kishte ardhur për t’i vlerësuar dëmet e shkaktuara.

Sipas ekspertëve, thotë ai, vlera e dëmeve të shkaktuar nga Serbia, arrin 700 mijë euro.

Për këtë ai ka vendosur që ta padisë shtetin serb, për t’i kompensuar dëmet ekonomike të luftës.

Ndonëse nuk ka marrë përgjigje pozitive se do t’i kompensohet dëmi, Fetoshi beson se do ta fitojë rastin.

Ai apelon tek ata që janë dëmtuar në çfarëdo forme gjatë kohës së luftës, të kërkojnë dëmshpërblim nga Serbia.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...