Eksperti dhe profesori i Shkencave të Sigurisë, Avni Islami, thotë se arrestimi i djeshëm i të dyshuarve për krim të organizuar dhe korrupsion nuk duhet që t’i zbehë skandalet e zyrtarëve të lartë shtetëror.
Islami thotë se nëse fajdhexhinjtë dhe haraçegjinjtë e arrestuar amnistohen nga drejtësia e vendit tonë, le të lirohen edhe zyrtarët që u arrestuan dje nga një operacion i Policisë së Kosovës.
“Operacioni policor për arrestimin e të dyshuarve për krim të organizuar, nuk do të duhej që ti zbehë skandalet që po i përcjellin zyrtarë e politikanë të profilit të lartë, e sidomos incizimet e fundit. Nëse fajdexhit e haraqexhit amnistohen nga drejtësia e vendit tonë, le të lirohen edhe këta të fundit që u arrestuan; policë, doganierë dhe qytetarë të cilët dyshohet se janë të implikuar në kontrabandë të mallrave dhe krim të organizuar”, thotë Islami transmeton gazeta “Bota sot”.