Tash e 20 vjet nga masakra e kryer nga forcat serbe mbi familjen e Selatin Gërxhaliut, pjesëtar i Brigadës 142 “Mehë Uka”, nga Studimja e Vushtrrisë, dhe askush nuk është dënuar për këtë krim mizor.
Kryeministri i vendit Ramush Haradinaj, përmes një statusi ka shkruar se, Kosova nuk do të ndalet kurrë së kërkuari drejtësi për viktimat.
Statusi i plotë:
As pas 20 vjetësh nga masakra e kryer nga forcat serbe mbi familjen e Selatin Gërxhaliut, pjesëtar i Brigadës 142 “Mehë Uka”, nga Studimja e Vushtrrisë, askush nuk është dënuar për këtë krim mizor.
Një familje e tërë, fëmijë e të moshuar, ishin ekzekutuar pamëshirshëm, vetëm pse ishin shqiptarë, në tokën dhe në të drejten e tyre.
Kosova nuk do të ndalet kurrë së kërkuari drejtësi për viktimat!
Lavdi të gjithë martirëve!
RH
