Deputetja e Lëvizjes Vetëvendosje, Albulena Haxhiu, përmes një postimi në llogarinë e saj në Facebook, ka reaguar lidhur me sulmin që i është bërë gruas rome në mes të Ferizajt.
Haxhiu thotë se Kosova duhet të jetë e barabartë për të gjithë, pavarësisht çdo dallimi.
Sipas saj, “racizmi dhe dhuna fizike nuk kanë vend në asnjë shoqëri demokratike dhe këto veprime i dënojmë fuqishëm dhe thërrasim për përgjegjësi”.
“Kushtetuta dhe legjislacioni në Kosovë ndalon dhe dënon dhunën e sidomos dhunën në baza raciste. Shteti duhet të siguroj jetën e çdo qytetari, pavarësisht nacionalitetit, etnisë etj. Republika e Kosoves duhet të jetë e barabartë për të gjithë pavarësisht çdo dallimi. Racizmi dhe dhuna fizike nuk kanë vend në asnjë shoqëri demokratike dhe këto veprime i dënojmë fuqishëm dhe thërrasim për përgjegjësi”, shkruan Haxhiu në Facebook.