Ministrja e Integrimit Evropian, Dhurata Hoxha, ka bërë të ditur se sot, para Komisionit Parlamentar për Integrimin Evropian, u diskutua për Raportin e vendit, të cilin e solli Komisioni Evropian, përcjell “Bota sot”.
Hoxha këtë e ka bërë të ditur përmes një statusi në Facebook ku ka cekur se vlerësimet që dalin nga raporti, duke lexuar realisht përmbajtjen e tij, sipas saj, është koha të veprojmë dhe të kryejmë detyrat tona të shtëpisë për procesin integrues
“Dua të shpreh falënderim të sinqertë për përkrahjen e Komisionit gjatë gjithë angazhimit tonë, duke e konsideruar procesin integrues si interes nacional dhe dëshmi e unitetit në rrugën tonë integruese”, ka shkruar ajo.
Postimi i plotë:
Sot, para Komisionit Parlamentar për Integrimin Evropian, diskutova për Raportin e vendit, të cilin e solli Komisioni Evropian. Ceka vlerësimet që dalin nga raporti, duke lexuar realisht përmbajtjen e tij. Është koha të veprojmë dhe të kryejmë detyrat tona të shtëpisë për procesin integrues.
Dua të shpreh falënderim të sinqertë për përkrahjen e Komisionit gjatë gjithë angazhimit tonë, duke e konsideruar procesin integrues si interes nacional dhe dëshmi e unitetit në rrugën tonë integruese.
Në Mbledhjen e Takimit ministror, së bashku me të gjitha institucionet relevante, të hënën do të vendosim për hapat, me fokus të qartë, dinamizimin e procesit. Ne duhet t’i ndryshojmë edhe sjelljet edhe veprimet ndaj rekomandimeve që dalin nga raporti, në rend të parë, për qytetarët tanë, cilësinë e jetës së tyre dhe shtetit që po ndërtojmë!
#DhurataHoxha