I caktohet masa e paraburgimit sulmuesit të gruas rome

Aktuale

I caktohet masa e paraburgimit sulmuesit të gruas rome

Më: 31 maj 2019 Në ora: 18:14
Pamje nga sulmi

(E plotësuar) - Është caktuar masa e paraburgimit ndaj personit të dyshuar për sulmin e kryer ndaj gruas rome në qytetin e Ferizajt.

Këtë e ka bërë të ditur zëdhënësi i Prokurorisë, Ekrem Luftifu.

“Prokurori i Shtetit, njofton opinionin se i është caktuar masa e paraburgimit personit të dyshuar për sulmin ndaj gruas rome në Ferizaj”.

***

Pas sulmit ndaj gruas nga komuniteti rom në Ferizaj, është arrestuar personi i dyshuar për këtë rast.

Këtë e ka bërë të ditur Major Mehmetali Hajdini në një lidhje direkte në emisionin Info Magazine, duke shtuar se i dyshuari ndodhet në stacionin policor në Ferizaj duke u marrë në pyetje.

“Diku rreth orës 13:00 kemi marrë një informacion se një grua nga komuniteti rom që është e njohur në mediat sociale, ndodhet në shesh. Policia ka dalë në vendin e ngjarjes dhe e ka takuar viktimën të cilën e ka shoqëruar për në stacionin e Policisë. Ajo nuk fliste shqip por vetëm në gjuhën angleze”.

“Rasti mbetet duke u hetuar nga njësitë përkatëse. Natyrisht se edhe avokati i popullit është duke ofruar ndihmën e tij”.

“Kemi arrit që ta identifikojmë personin e dyshuar, i cili më pas edhe është arrestuar. Tani ai ndodhet në stacionin policorë. I dyshuari është i moshës 17 vjeçare nga rrethina e Ferizajt”.

“Edhe viktima momentalisht ndodhet në stacionin policor në Ferizaj dhe është duke u ndihmuar nga ana e Mirëqenies Sociale dhe Avokati i Popullit. Kjo është hera e parë që në rajonin e Ferizajt ndodhë diçka e tillë dhe natyrisht se ne do t’i marrim të gjitha masat e nevojshme”.

Ndërsa kur është pyetur nëse do të ngritet kallëzim penal ndaj personave të pranishëm që e kanë gjiruar sulmin ndaj gruas, Major Hajdini ka thënë se nuk ka dëgjuar të jetë iniciuar kallëzim penal për raste të tilla.

“I dyshuari është arrestuar dhe sigurisht se ne do t’i marrim të gjitha veprimet policore. Deri më tani nuk kam dëgjuar se është ndërmarrë ndonjë rast për diçka të tillë. Rastet që janë pa ankues nuk do të iniciohen nga ana e policisë”.

commentFirst article
Sot mund të lexoni Shfletoni kopertinat