Opinionisti nga Maqedonia Sulejman Mehazi, ka komentuar deklaratën e kryeministres serbe Ana Brnabiq se “shqiptarët janë njerëz të zbritur nga mali”.
Mehazi në një reagim të dërguar në “Bota sot”, ka thënë se kjo deklaratë e Brnabiqit, simbolizon urrejtjen e pafund të serbëve ndaj shqiptarëve.
Sipas tij, deklarata e kryeministres serbe tregon se nuk ka dialog pajtues me shqiptarët dhe qartë e kthjellët simbolizon përgatitjen e luftës së ardhshme serbe-shqiptare.
“Deklarata e Kryeminstres së Serbisë Bernabiq, se "Shqiptarët, janë njerëz mali", simbolizon urrejtjen e pafund të serbëve ndaj shqiptarëve, tregon se s'ka dialog pajtues me shqiptarët, se shqiptarët do të ndiqen deri në malet më të thella, simbolizon "rovet" e tanket ushtarake të forcave serbe në Kosovë, qartë e kthjellët simbolizon përgatitjen e luftës së ardhshme serbe-shqiptare”, ka thënë Mehazi./BS
