Ministri i Infrastrukturës, Pal Lekaj ka reaguar pasi që Ivica Daçiq ka shkruar në një kartëmonedhë të dollarit amerikan mbishkrimin se “Kosova është Serbi.
Lekaj thotë se shteti i dollarit, monedhë që Daçiq shkruan ëndrra mbi të, Amerika bashkë me UÇK-në, ka kohë që ia kanë shuar këto ëndrra, ëndërrimtarit Daçiq e shokut të tij Vuçiq.
Sipas Lekajt, avazi i “patriotizmit” të udhëheqjes së Serbisë vazhdon të jetë i njëjti, fjalë shumë e duke i futur hundët në secilën punë të secilit vend sovran te rajonit.
Ja postimi i tij:
Udhëheqja e Serbisë si domate e serrave!
Avazi i “patriotizimit” të udhëheqjes së Serbisë vazhdon të jetë i njejti, fjalë shumë e duke i futur hundët në secilën punë të secilit vend sovran te rajonit, e punët e veta si mos me keq, janë damkosur si domatja e serrave, janë bërë (edhe më shumë) të gërditshëm.
Shteti i dollarit, monedhë që Daçiq shkruan endrra mbi të, Amerika bashkë me UÇK-n, ka kohë që ia kanë shuar këto ëndrra, ëndrrimtarit Daçiq e shokut të tij Vuçiq. Kosova është sovrane, si në Jug si në Veri dhe ma nuk ka vend për Serbinë.