Delegacioni i Listës Serbe nga Kosova do të qëndroj në vizitë dy ditore në Berlin, ku janë takuar me drejtorin e Zyrës për Evropën Juglindore të Gjermanisë Kristian Helbah, ndërsa tema e bisedës ishte situata aktuale politike dhe e sigurisë në Kosovë, shkruan “B92” përcjell “Bota Sot”.
Delegacioni kryesohet nga kryetari i Listës Goran Rakiç, nënkryetari Dalibor Jevtiç dhe anëtarët Bratislav Nikoliç dhe Sasha Milosavljeviç kanë prezantuar gjendjen e popullir serb në Kosovë dhe shkeljen permanente të drejtave të tyre shkruan gazeta.
Ata kanë potencuar edhe tensionet në rritje që janë rezultat i hapave të caktuar të pushtetit në Prishtinë por edhe nevojën q dialogu të vazhdoj dhe të hiqen pengesat në mënyrë që të i hapet rruga zgjidhjes së problemeve.
U bisedua edhe për aksionin e fundit të policisë në veri të Kosovës “ përdorimin e forcës pa nevojë me arsyetimin e luftimit të krimit dhe korrupsionit dhe ekzistimit të rrezikut të praktimit të tillë me qëllim frikësimin e popullit serb ".
Helbah ka uruar Rakiçin për zgjidhje të sërishme kryetar i Mitrovicës veri, ndërsa Rakiç konstatoi se ky është urimi i parë i ndokujt nga bashkësia ndërkombëtare që u dashtë të urohet për zgjidhjet te qeta.
Delegacioni i Listës Serbe nesër në Berlin do takohet me këshilltarin e kancelares Merkel Matias Lutenberg, më pas do ketë takime ne Bundestag.
