Kryetari i Kuvendit të Kosovës Kadri Veseli ka një banesë në Prishtinë në emër të bashkëshortes së tij Violetës e cila në bazë të deklarimit të pasurisë është blerë në vitin 2001 në vlerë 97 mijë euro.
Veseli ka deklaruar se ka blerë një lokal 270 metra katror për vlerën e së cilit nuk ka treguar ndërsa ka thënë se ka marr kredi prej 110 mijë euro për blerjen e tij.
Veseli ka deklaruar se ka një shtëpi të përbashkët pronë e babait të tij si dhe 10 hektarë mal pronë po ashtu e babait të tij.
Veseli merr pagë vjetore prej 33 mijë euro si kryetar i Kuvendit e po ashtu mbi 5 mijë euro mëditje.
Gruaja e tij Violeta merr pagë vjetore prej 3420 euro si profesoreshë në gjimnazin “Sami Frashëri” dhe 17 mijë e 640 euro nga Kobit PC.
Veseli po ashtu ka deklaruar një veturë Jeep në vlerë 16 mijë e 300 euro dhe para të kursyera në dy banka.
Veseli së bashku me gruan e tij kanë mbi 6 mijë euro të kursyera në banka.