Vlora Çitaku ndez Serbinë me postimin e fundit në Twitter

Aktuale

Vlora Çitaku ndez Serbinë me postimin e fundit në Twitter

Më: 6 qershor 2019 Në ora: 16:31
Vlora Çitaku

Ambasadorja e Republikës së Kosovës në Washington, Vlora Çitaku, përveç debateve në Këshill të Sigurimit, Daçiqit po i kundërvihet fuqishëm edhe nëpër rrjete sociale.

Ministri i Jashtëm serb, i është bashkuar një fushate kundër Kosovës, duke e shkruar në një kartëmonedhë 100 dollarëshe “Kosova është Serbi”,

E ndaj kësaj fushate të tij, në Kosovë është nxitur një kundër fushatë duke shkruar nëpër kartëmonedha të ndryshme “Kosova është Kosovë”, e “Kosova është e Bukur”.

E se “Kosova është e Bukur”, e ka thënë edhe ambasadorja Çitaku, në një postim në twitter, ku ka publikuar një fotografi të Kalasë së Artanës.

“Nuk është Game of Thrones, Kjo është Kosova. Kosova është e bukur”, ka shkruar Çitaku,

E një shkrim i tillë ka nxitur reagime të ndryshme në Serbi. Ata thonë se përmes një shkrimi të tillë, Çitaku po tenton të ‘vjedh’, monumentet për të cilat pretendojnë se i përkasin kulturës serbe.

“Përpjekje flagrante për të vjedhur, qytetin e mbretit Millutin”, shkruan ‘telegrafi’ serb.

Image

Ndërkohë ndaj këtij postimi kanë reaguar shumë serbë.

commentFirst article
Sot mund të lexoni Shfletoni kopertinat