Ministri i Arsimit, Shkencës dhe Teknologjisë, Shyqyri Bytyqi, e ka kërcënuar një zyrtar të lartë të kësaj ministrie ditën e djeshme e për këtë ai është denoncuar në polici.
Ushtruesi i detyrës së drejtorit për Integrime evropiane, koordinim të politikave dhe çështje ligjore në Ministrinë e Arsimit, Shkencës dhe Teknologjisë, Ferit Idrizi gjatë ditës së sotme e ka denoncuar ministrin, Shyqiri Bytyqi për kërcënim.
Mosnënshtrimi i një dokument kishte bërë që Idrizi të kërcënohej nga ministri Bytyqi, për të cilin Idrizi thotë se ishte dokument i jashtëligjshëm.
Idrizi ka treguar se gjatë ditës së mërkurën është kërcënuar fizikisht nga ministri Bytyqi.
“Sot e kam denoncuar rastin në polici. Ngjarja ka ndodhur dje pasdite, ku ministri më ka kërcënuar fizikisht sepse nuk e kam nënshkruar një dokument të jashtëligjshëm”, ka thënë Idrizi.
Lajm ka tentuar të flas direkt me ministrin Bytyqi por kontakti me të ka qenë i pamundur.