Ambasadorja e Kosovës në Itali, Alma Lama, ka kujtuar 20 vjetorin e kapitullimit të Serbisë, respektivisht atë të Millosheviqit nga NATO-ja, përcjellë “Bota sot”.
Ajo shkruan në Facebook se edhe sot pas 20 vitesh, Serbia nuk ka hequr ende dorë nga planet dhe projekte e saj për të copëtuar Kosovën, mirëpo sipas saj, ky plan do t’i dështojë dhe është vetëm çështje kohe.
Postimi i plotë:
Si sot 20 vjet më parë, pas 78 ditë bombardimesh, Serbia kapitulloi dhe u detyrua të nënshkruajë marrëveshjen e paqes në Kumanovë, (Marrëveshja Tekniko-Ushtarake). NATO e mposhti përfundimisht regjimin e Millosheviqit dhe e çliroi Kosovën nga pushtim njëshekullor.
20 vjet më pas, Serbia nuk ka hequr ende dorë nga planet dhe projekte e saj për të copëtuar Kosovën dhe marrë një pjesë të territorit të saj.
Do t’i dështojë edhe ky plan, është çështje kohe.
Respekt dhe mirënjohje për NATO-n dhe botën demokratike.
