Ministri i Infrastrukturës dhe Transportit, Pal Lekaj, ka thënë se Kosova është e nderuar me vizitën e Sekretarit të Shtetit të Vatikanit, E.T. Kardinali Pietro Parolin, përcjell “Bota sot”.
Lekaj këtë e ka bërë të ditur përmes një statusi në Facebook ku ka shkruar se Katedralja “Shën Nëna Terezë” në Prishtinë dhe katedralja e “Zonjës Ndihmëtare” në Prizren u madhështuan me mbajtjen e meshës nga kardinali Parolin.
Postimi i plotë:
Kosova u nderua me vizitën e Sekretarit të Shtetit të Vatikanit, E.T. Kardinali Pietro Parolin.
Katedralja “Shën Nëna Terezë” në Prishtinë dhe katedralja e “Zonjës Ndihmëtare” në Prizren u madhështuan me mbajtjen e meshës nga kardinali Parolin.
Përfaqësuesi i Selisë së Shenjtë, përcolli urimet më të mira për popullin e Kosovës, nga i pari i katolikëve në botë, Papa Françesku.
Kardinali Parolin nuk harroi të na kujtoi që të angazhohemi dhe të jemi ndërtues të bashkimit në dallime.
Kjo vizitë, e një niveli kaq të lartë nga Selia e Shenjtë, është tregues i qartë i një realiteti të ri në ndërtimin e marrëdhënieve bilaterale dhe diplomatike në mes Kosovës dhe Vatikanit.
