Clinton: Krenar që ndalëm spastrimin etnik në Kosovë

Aktuale

Clinton: Krenar që ndalëm spastrimin etnik në Kosovë

Më: 11 qershor 2019 Në ora: 07:29

(E plotësuar) - Kryeministri i Kosovës, Ramush Haradinaj, ka takuar ish presidentin e SHBA-ve, Bill Clinton, për të cilin ka thënë se falë  humanizmit dhe guximit të tij, u jetësua e drejta për liri dhe demokraci.

Gjithashtu, në një postimi në Facebook, ka shkruar se “falë kësaj kthese historike, fëmijët tanë sot jetojnë të lirë. Të lirë për të pasur jetë, për të pasur ëndrra, për të pasur shtetin e tyre, Kosovën!”

Postimi i plotë:

Ju na ndihmuat ta fitojmë luftën dhe bashkë e ndërtuam paqen! 
Mirë se erdhe në shtëpin tënde dhe tek populli në zemrat e të cilit ju keni hyrë si njeriu më i dashur, President Bill Clinton. Falë vendosshmërisë, humanizmit dhe guximit tuaj, ne jetësuam të drejtën tonë për liri dhe demokraci dhe ndërtuam shtetin e Kosovës! 
Falë kësaj kthese historike, fëmijët tanë sot jetojnë të lirë. Të lirë për të pasur jetë, për të pasur ëndrra, për të pasur shtetin e tyre, Kosovën! 
President Clinton, faleminderit dhe përjetë mirënjohës për ju dhe popullin Tuaj.

Zoti e bekoft Amerikën! 
Zoti e bekoft Kosovën!

RH.

Image
Image

Me nderime shtetërore është pritur në Kosovë ish presidenti i Shteteve të Bashkuara të Amerikës, Bill Clinton.

Presidenti i Kosovës, Hashim Thaçi e ka nderuar ish presidentin amerikan me medaljen Urdhri i Lirisë në 20 vjetorin e çlirimit të Kosovës nga forcat serbe.

Clinton tha se e gjitha bota duhet të shoh Kosovën si vend të demokracisë.

Clinton: Ju keni mundësi të bëheni shembull i botës

"E gjithë bota sot, në gjithë këtë trazirë duhet ta shohë Kosovën si vend të demokracisë, i përkushtuar të përmirësohet e të rritet dhe të jetojnë në paqe me fqinjët, që është diçka për të cilën duhet të punojë çdo shtet, i madh e i vogël , brenda dhe jashtë kufijve të tyre. Mendoj që e keni mundësinë të bëheni shembull i botës edhe për 20 vjet tjera", tha Clinton.

 Bill Clinton tha se është krenar që ishte president në kohën kur populli i Kosovës kishte nevojë duke theksuar se çfarë është arritur deri më sot është dhe falë vendimit të popullit kosovar për të ndërtuar shtetin, shoqërinë dhe qeverinë dhe për të ecur drejt paqes.

I pyetur për dialogun Kosovë Serbi së cili është mesazhi i Clinton, ai pati këtë përgjigje

Clinton: Kosova e meriton të jetë në BE dhe NATO

"Kosova e meriton të jetë në Bashkimin Evropian, në NATO dhe në çdo organizatë tjetër në cilën mund të jetë çdo shtet i pavarur", tha ai.

Në kabinetin e tij, prej ku i ndaj dekoratën Urdhrin e Lirisë presidenti i Kosovës e falënderoi Clintonin dhe SHBA-të për kontributin e dhënë për çlirimin e Kosovës dhe pavarësinë e saj.

 Ai e quajti ish presidentin amerikan  hero të Kosovës.

"Sot pas 20 vitesh  Kosova është e pavarur, gjatë tërë ketij rrugëtimi kemi ecur së bashku me ju, mbështetja juaj ka qenë jetike për lirinë pavarësinë, dhe tash në rrugëtimin euroatlantik, andaj storia e Kosovës është storie e suksesit të përbashkët. Ju jeni heroi ynë, dhe iu falënderoj shumë-shumë në emër të gjithë qytetarëve të Kosovës. Duke u bazuar në kompetencat e mia si president i Kosovës, edhe si mik i juaji, sot ndaj çmimin në emër të institucioneve të Kosovës, Urdhrin e Lirisë, nuk ka çmim që mund të shpërblejë atë kontribut tuaj, është liria e vendit të Kosovës që ka reflektuar me paqe dhe stabilitet në Ballkanin perëndimor", tha Thaçi.

Clinton ka ardhur në Kosovë mëngjesin e sotëm. Pas takimit me Thaçin ai u prit nga kryeministri i Kosovës, Ramush Haradinaj.

Clinton do të marrë pjesë nesër në manifestimin e 20 vjetorit të çlirimit të Kosovës.

Clinton: Kosova meriton të jetë në BE dhe në NATO

Kosova meriton të jetë në Bashkimin Evropian, në NATO dhe në çdo organizatë ndërkombëtare, ka deklaruar të martën në Prishtinë, ish-presidenti amerikan Bill Clinton. Këto komente, Clinton i bëri pas një takimi që zhvilloi me presidentin e Kosovës, Hashim Thaçi, i cili i ndau ish-presidentit amerikan “Urdhrin e Lirisë,”, për merita të veçanta për lirinë e Kosovës.

“Isha i lumtur që pasardhësi im, presidenti George W.Bush njohu Kosovën, besoj vetëm një ditë pasi ju shpallët pavarësinë”, tha Clinton.

Clinton tha se ndihej krenar që ishte president i SHBA-së në kohën kur dikush është dashur të ngritet dhe ta thotë qartë se “nuk ka më pastrim etnik në Kosovë, nuk ka më përndjekje të njerëzve prej shtëpive të tyre dhe nuk ka më vrasje të civilëve”.

Ai tha se jo vetëm SHBA, por gjithë bota duhet të jetë krenare me të arriturat në Kosovë, demokracinë e saj dhe shtet-ndërtimin.

Ai inkurajoi lidershipin e Kosovës që tani të ndërtojnë paqen brenda e jashtë kufijve të Kosovës, për dëshmuar se është shtet demokratik.

Image

Në anën tjetër, presidenti i Kosovës, Hashim Thaçi tha se Clinton është heroi i Kosovës dhe i shprehu mirënjohjen më të më lartë atij për vendimin historik që kishte marrë në vitin 1999 për ndërhyrjen e NATO-s dhe çlirimin e Kosovës.

Duke i ndarë atij “Urdhrin e Lirisë”, Thaçi tha se duke nuk ka çmim dhe as medalje që e vlerëson drejtë gjithë kontributin e madh që Clinton ka luajtur për lirinë e Kosovës dhe popullit të saj.

Ish-presidenti Clinton dhe ish-sekretarja amerikan, Madeline Albright po qëndrojnë në Kosovë për të marrë pjesë në shënimin e 20-vjetorit të hyrjes së trupave të NATO-s në Kosovë, që shënon edhe ditën e lirisë së Kosovës.

Kosova shënon të mërkurën, 20-vjetorin e hyrjes ushtarake të NATO-s, përkatësisht trupave shumëkombëshe të KFOR-it. Kjo ditë, shënohet edhe si dita e lirisë apo çlirimit të Kosovës.

Si datë e cilësuar historike, autoritetet në Prishtinë kanë ftuar që të marrin pjesë në këtë jubile, edhe ish-presidentin amerikan Bill Clinton, ish-sekretaren e shtetit Madeline Albright dhe shumë personalitete tjera që ndihmuan në çlirimin e Kosovës.

Ndërhyrja e NATO-s, përkatësisht dislokimi i trupave paqeruajtëse të KFOR-it më 12 qershor, 1999, pasoi fushatën e sulmeve ajrore të Aleancës Veri-Atlantike kundër caqeve serbe në Kosovë dhe në Serbi, që zgjati 78 ditë.

Pas 78 ditësh të sulmeve, bombardimet janë ndërprerë më 10 qershor 1999, me miratimin e Rezolutës 1244 të Këshillit të Sigurimit të Kombeve të Bashkuara. Kjo Rezolutë, ishte një kompromis i pesë vendeve të përhershme anëtare të Këshillit të Sigurimit në bazë të së cilës, në Kosovë vendosej një administratë e Kombeve të Bashkuara – UNMIK, e cila administronte fazën tranzitore deri në ngritjen e institucioneve vendore dhe zgjidhjen e përhershme të statusit të Kosovës.

Një ditë më herët, ishte nënshkruar edhe Marrëveshja Teknike e Kumanovës, e cila parashihte tërheqjen e të gjitha forcave serbe nga Kosova dhe hyrjen e trupave ndërkombëtare të NATO-s në Kosovë.

Në Kosovë, në kuadër të KFOR-it, më 12 qershor 1999 filloi vendoja e rreth 50,000 ushtarëve nga 36 vende, prej të cilëve 30.000 ishin nga vendet e NATO-s.

Sot, 20 vjet pas kësaj ndërhyrje, trupat e paqeruajtëse të KFOR-it (NATO-s) janë në numër më të vogël dhe numërojnë nga 6 deri në 7 mijë ushtarë, të cilët janë të dislokuar në pjesë të ndryshme të Kosovës me mision paqeruajtës.

Clinton: Jam ndjerë i lumtur kur Presidenti Bush njohu Kosovën

Ish-presidenti amerikan, Bill Clinton,është takuar me presidentin e  Kosovës, Hashim Thaçi. Ai është dekoruar me çmimin ‘Urdhri i Lirisë, ndërkohë i pyetur nga gazetarët, ka thënë pak fjalë edhe për dialogun ndërmjet Kosovës dhe Serbisë.

Clinton ka thënë se vendi i Kosovës është në Bashkimin Evropian, NATO dhe në të gjithë organizatat tjera ndërkombëtare, ku një vend i pavarur meriton të jetë.

Ndër të tjera ka thënë se është ndjerë shumë i lumtur kur presidenti George W Bush e kishte njohur pavarësinë e Kosovës dhe e kishte mbështetur Kosovën në rrugën e saj.

Ai thotë se në një situatë politike të brishtë në SHBA, çështja e Kosovës ishte e vetmja për të cilën pajtoheshin të gjithë.

“Kosova meriton të jetë në BE në NATO dhe në organizatat tjera ku një shtet i pavarur meriton të jetë. Unë jam ndjerë shumë i kënaqur kur presidenti Bush e ka njohur pavarësinë e Kosovë, dhe ka mbështetur shtetin tuaj. Në një situatë shumë të komplikuar politike në SHBA,  Ju jeni një prej gjërave për të cilat të gjithë amerikanët pajtohen dhe dëshiroj që të mbeteni të tillë. Mendoj se vendi ynë do të vazhdojë të pajtohet për Kosovën”, ka thënë Clinton.

Clinton ka thënë se pavarësisht se sa është i madh një shtet, duhet punuar për paqe me fqinjët, brenda dhe jashtë kufijve.

***

Ish-presidenti i Shteteve të Bashkuara të Amerikës, Bill Clinton, ka arritur në Qeveri për t’u takuar me kryeministrin Ramush Haradinaj.

Pas takimit që Clinton pati me Presidentin Hashim Thaci, tani ai u prit nga Haradinaj.

Takimi Haradinaj – Clinton ishte planifikuar të ndodhte në orën 15:30, por Presidenti amerikan u vonua në takimin me Thaçin.

Thaçi dekoron Clinton-in me ‘Urdhrin e Lirisë’ thotë se s’ka çmim që mund të shpërblejë kontributin e tij

Presidenti i vendit, Hashim Thaçi ka pritur në takim ish-Presidentin e ShBA-së, Bill Clinton.

Gjatë këtij takimi Thaçi ka dekoruar me Urdhrin e Lirisë ish-Presidentin Clinton.

Thaçi ka falënderuar Clinton për vendimin e drejtë dhe historik për filimin e bombardimeve duke thënë se storia e suksesit të Kosovës është storie e suksesit të përbashkët.

Image

“Shpreh mirënjohjen më të lartë nga qytetarët dhe institucionet e Kosovës për vendimin e drejtë dhe historik për fillimin e bombardimeve. Për mundësinë e kthimit të qetetarëve në shtëpitë e tyre.  Sot pas 20 vitesh, Kosova është e pavarur dhe u jam shumë mirënjohjes që gjatë këtij udhëtimi kemi qenë bashkë. Mbështetja juaj ka qenë jetike për lirinë dhe pavarësinë, por edhe tashmë udhëtimin tonë euroatlantik”, ka thënë Thaçi.

Gjatë dekorimit me ‘Urdhrin e Lirisë’ Thaçi tha se nuk ka çmim që mund të shpërbljeë kontributin e Clinton për Kosovën.

Image

 

“Storia e suksesit është storie e përbashkët dhe ju jeni heroi ynë dhe ju falënderoj shumë në emër të të gjithë qytetarëve të Kosovës edhe një herë. Duke u bazuar në kompetencat  e mija si president i Kosovës,  por edhe si mik i juaji sot në emër të institucioneve të Kosovës jap ‘Urdhrin e Lirisë’ dhe nuk ka çmim që nuk mund të shpërblej atë kontribut”, ka thënë ai.

Image

 

Clinton takon Thaçin, por anulon vizitën me Haradinajn

Ish Presidenti i SHBA-së, Bill Clinton ka anuluar vizitën e paraparë me Kryeministrin e Kosovës, Ramush Haradinaj.

Nga Presidenca e Kosovës, si organizator i vizitës së Clinton në Kosovë, kanë konfirmuar se për shkak të agjendës është anuluar takimi me kryeministrin e Ksoovës.

Ish presidenti amerikan është në këto momente në takim me Presidentin e Kosovës, Hashim Thaçi.

***

Takohen Thaçi e Clinton

Presidenti Hashim Thaçi pret në kabinetin e tij ish-Presidentin e Shteteve të Bashkuara të Amerikës, Bill Clinton.

Image
Image
Image

Bill Clinton dhe Madeleine Albright arrijnë në hotel

Ish-Presidenti amerikan Bill Clinton, ka arritur në hotelin Swiss Diamond në Prishtinë, ndërsa pas disa minutash aty ka arritur edhe ish sekretarja e SHBA-ve, Madeleine Albright.

Të dy do të marrin pjesë në përvjetorin e 20-të të çlirimit dhe hyrjes së NATO-s në Kosovë.

Image

***

Përveç ish-Presidentit amerikan Bill Clinton, në Kosovë ka arritur edhe ish-sekretarja e Shteteve të Bashkuara të Amerikës, Madeliene Albright.

Clinton dhe Albright, arritën para pak minutash në aeroportin ndërkombëtar të Prishtinës.

Dy miqtë e mirë të Kosovës, erdhën në Kosovë me rastin e përvjetorit të 20-të të çlirimit dhe hyrjes së trupave të NATO-s.

***

Ish-Presidenti i Shteteve të Bashkuara të Amerikës, Bill Clinton, para pak minutash ka arritur në Kosovë.

Miku më i madh i shqiptarëve erdhi me rastin e përvjetorit të 20-të të çlirimit dhe hyrjes së trupave të NATO’s në Kosovë ku pritet të marrin pjesë personalitete të ndryshme nga e gjithë bota.

Ai sot do të takohet me Presidentin e Kosovës Hashim Thaçi dhe më pas edhe me Kryeministrin Ramush Haradinaj. Gjatë takimeve, Clinton edhe do të dekorohet.

Forca të sigurisë rrethojnë hotelin ku do të qëndrojë Clinton.

Ish-Presidenti i Shteteve të Bashkuara të Amerikës, Bill Clinton – miku më i madh i shqiptarëve, vjen sot në Kosovë.

Mirëpo, vizita e tij ka quar në “këmbë” edhe njësitet e sigurisë së vendit. Që nga orët e hershme të mëngjesit, Policia e Kosovës është duke bërë kontrolle të shumta në rrugën “Tringë Smaili” në kryeqytet, saktësisht në rrugën e cila dërgon në hotelin në të cilin pritet të qëndrojë Clinton.

Përveç ndalimit të kalimit të veturave në këtë rrugë, Policia e Kosovës në terren ka ndërhyrë edhe me njësinë e qenve ‘K9’ për të siguruar perimetrin e vendit.

Në vendngjarje po shihen edhe numër i madh i forcave të Policisë së Kosovës të cilët në duar po mbajnë armë të gjata.

Ndryshe, Cliton do të pritet nga Presidenti i Kosovës Hashim Thaçi dhe Kryeministri Ramush Haradinaj. Kjo është vizita e dytë e ish-Presidentit amerikan në Kosovë.

Thaçi takohet me Clinton në orën 15:00 ndërkaq Haradinaj gjysmë ore më vonë. Gjatë pritjes, Clinton do të dekorohet.

Image

***

Forca të sigurisë rrethojnë hotelin ku do të qëndrojë Clinton, e pranishme edhe njësia ‘K9’

Ish-presidenti i Shteteve të Bashkuara të Amerikës, Bill Clinton, miku më i madh i shqiptarëve, vjen sot në Kosovë.

Mirëpo, vizita e tij ka quar në “këmbë” edhe njësitet e sigurisë së vendit.

Që nga orët e hershme të mëngjesit, Policia e Kosovës është duke bërë kontrolle të shumta në rrugën “Tringë Smaili” në kryeqytet, saktësisht në rrugën e cila dërgon në hotelin në të cilin pritet të qëndrojë Clinton.

Përveç ndalimit të kalimit të veturave në këtë rrugë, Policia e Kosovës në terren ka ndërhyrë edhe me njësinë e qenve ‘K9’ për të siguruar perimetrin e vendit.

Në vendngjarje po shihen edhe numër i madh i forcave të Policisë së Kosovës të cilët në duar po mbajnë armë të gjata.

Ndryshe, Cliton do të pritet nga Presidenti i Kosovës Hashim Thaçi dhe Kryeministri Ramush Haradinaj.

Kjo është vizita e dytë e ish-Presidentit amerikan në Kosovë.

Thaçi takohet me Clinton në orën 15:00 ndërkaq Haradinaj gjysmë ore më vonë. Gjatë pritjes, Clinton do të dekorohet.

Image

Miku më i madh i Kosovës, ish-presidenti i Shteteve të Bashkuara të Amerikës, Bill Clinton, sot vjen për vizitë në Kosovë.

Presidenti Clinton pritet nga Presidenti Hashim Thaçi dhe kryeministri Ramush Haradinaj. Gjatë pritjes nga presidenti Thaçi, Clinton edhe do të dekorohet.

Kjo është vizita e dytë e ish-presidentit Bill Clinton në Kosovë.

Clinton urdhëroi forcat e NATO-s që të ndërhyjnë ndaj caqeve ushtarake dhe policore serbe gjatë vitit 1999, për të parandaluar gjenocidin e më tejmë ndaj shqiptarëve

commentFirst article
Sot mund të lexoni Shfletoni kopertinat