Sekretari i Ministrisë së Mbrojtjes, Shkelzen Sylaj që tetë vite në këtë pozitë është transferuar në një post tjetër.
Me kërkesë të Ministrit të Mbrojtjes, Rrustem Berisha, Qeveria ka votuar për transferimin e tij nga kjo pozitë.
Syla që deri tani ka shërbyer si sekretar, tani është transferuar në spitalin që gjendet brenda FSK-së, si drejtor.
Mediat vendore kanë ka kontaktuar Sylajn i cili ka thënë se ende nuk ka marrë asnjë shkresë zyrtare.
“Vendimin e ka marr Qeveria. Pyetni atje, ende nuk kam marrë asgjë zyrtare. Jam në pritje…”, ka thënë Sylaj.
Ndërsa, në një përgjigje për redaksinë nga Zyra për informim e Qeverisë, bëhet e ditur se propozimi për shkarkimin e tij ka ardhur nga ministri Berisha.
“Ka qenë propozim i Ministrit të Mbrojtjes, është votuar nga Qeveria”, thuhet në përgjigjën e tyre.
Ndërsa, burime të Indeksonline kanë bërë të ditur se në vend të tij është bërë sekretar Fatos Qerimaj, i cili deri tani kishte këtë pozitë në Ministrinë e Zhvillimit Rajonal.
