Sot është bërë promovimi i projektit për Stadiumin nacional në Drenas.
Ministrja e Integrimit Evropian, Dhurata Hoxha tha se stadiumi nacional, paraqet një vlerë të shtuar për vendin tonë, ngase, siç thotë ajo, është si objekt i rëndësishëm infrastrukturor për futbollin dhe sportin në përgjithësi, duke i kontribuar sukseseve të mëtejme për sportistët tanë përcjell “Bota sot”.
Hoxha këtë e ka bërë të ditur përmes një postimi në Facebook ku ka shkruar se në këtë stadium, presim suksese dhe fitore të njëpasnjëshme të sportistëve të cilët po dëshmojnë se i takojnë nivelit evropian e botëror, meritojnë ta kenë edhe arenën e vet dinjitoze si ky stadium
Postimi i plotë:
"Sot u promovua projekti i një objekti i rëndësisë së veçantë, Stadiumit nacional. Stadiumi nacional, paraqet një vlerë të shtuar për vendin tonë, si objekt i rëndësishëm infrastrukturor për futbollin dhe sportin në përgjithësi, duke i kontribuar sukseseve të mëtejme për sportistët tanë. Në këtë stadium, presim suksese dhe fitore të njëpasnjëshme të sportistëve të cilët po dëshmojnë se i takojnë nivelit evropian e botëror, meritojnë ta kenë edhe arenën e vet dinjitoze si ky stadium. Urime!"