Opinionisti Lis Bukuroca ka folur për skandalin që ka ndodhur në Presidencën e Kosovës, ku një agjenti BIA-së serbe ishte këshilltar i presidentit Hashim Thaçi.
Bukuroca thotë se në vend që të jep dorëheqje Hashim Thaçi ai e përjashtoi këshilltarin nga puna.
Ai pyet se Kosova është bërë si i konvenon Serbisë, pasi UDB është e pranishme kudo.
“Kryetari përjashtoi këshilltarin e vet, i cili ishte nëpunës i Shërbimit Sekret Serb, në vend se të dorëhiqej! Sa shqiptarë gjenden në rrethin e tij si nëpunës të Serbisë?
Po ku ka shtet, opozitë, popull e Kuvend në botë, që vështron i qetë, kur merret vesh se armiku, po këshillonte kryetarin e shtetit?! A ka opozitë, që mbron interesat nacionale? A ka një deputet Kuvendi, që donë shtetin e Kosovës?
A nuk shihni se Kosova është bërë si i konvenon Serbisë, sepse UDBA është e pranishme kudo?
Pse urreni gati kolektivisht shtetin e Kosovës? Pse nuk e doni? Atë që njeriu e donë, e mbron! Pse urreni shtetin e Kosovës? Nuk ka asnjë protestë, asnjë nismë në Kuvend për ta rrëzuar Thaçin?! Pse duroni rrënimin e shtetit të Kosovës? Pse?!”, shkruan Bukuroca në Facebook, transmeton gazeta “Bota sot”
