Sot po festohet dita e çlirimit të Istogut. Shkëmb Manaj, djali i Shaban Manajt, veprimtarit të vrarë të LDK-së, me anë të një postimi në Faceboo, ka publikuar një fotografi të presidentit historik Ibrahim Rugova me babin e tij.
Ai ka shkruar se “do t'i kujtojmë përherë me krenari si gjurmë e ndritur e historisë sonë kombëtare!”
Postim i plotë:
20 vjet nga çlirimi i Istogut !
Falendërimi i takon të gjithë burrave dhe grave te të gjitha gjeneratave, brez pas brezi, e deri tek Lëvizja për Pavarësi e udhëhequr nga Presidenti Rugova dhe lufta e Ushtrisë Çlirimtare e Kosovës, që dhanë kontribut dhe shkrinë jetën e tyre për lirinë e atdheut. Do t'i kujtojmë përherë me krenari si gjurmë e ndritur e historisë sonë kombëtare !
Po ashtu, falendërimi i takon edhe miqve tonë, NATO-s në krye me Shtetet e Bashkuara të Amerikës, që u rreshtuan drejtë dhe mbështetën fuqishëm kauzën tonë legjitime për liri dhe pavarësi.
Sot, ne duhet të punojmë me përkushtim që të forcojmë institucionet demokratike dhe ta zhvillojmë Republikën tonë, duke garantuar të ardhme të sigurt për të gjithë qytetarët tonë, duke ngritur besimin në institucione dhe duke i dhënë zgjidhje kërkesave dhe problemeve të qytetarëve.
Të gjithë qytetarëve të Komunës së Istogut, urime e gëzuar Dita e Çlirimit !
Zoti e bekoftë vendin tonë !
