Hoxha: Të ofrojmë një shtëpi të dytë dhe siguri për refugjatët

Aktuale

Hoxha: Të ofrojmë një shtëpi të dytë dhe siguri për refugjatët

Më: 20 qershor 2019 Në ora: 19:14
Dhurata Hoxha

Ministrja e Integrimit Evropian, Dhurata Hoxha, ka shprehur solidaritet me refugjatët në Ditën e Refugjatëve.

Në Ditën Ndërkombëtare të Refugjatëve, ministrja e Integrimit Evropian, Dhurata Hoxha, ka kujtuar kohën kur shumë kosovarë u shpërngulën gjatë vitit 1999.

Duke kujtuar këtë kohë, ministrja Hoxha ka shprehur solidaritet me refugjatët.

Në një postim në profilin e saj zyrtar në rrjetin social Facebook, Hoxha ka shkruar se, duke kujtuar vuajtjet e qytetarëve kosovarë në vitin 1999, duhet t’i ofrojmë shtëpi të dytë dhe siguri refugjatëve.

Postimi i plotë i Hoxhës pa ndërhyrje:

Shpreh solidaritetin tim të sinqertë me të gjithë refugjatët që sot janë të privuar nga e drejta e tyre themelore për jetë të dinjitetshme në atdheun e tyre.

Ky solidaritet, na kthen prapa për dy dekada, për të kujtuar me dhimbje të thellë qytetarët e vendit tim, të cilët u dëbuan nga vatrat e veta, vetëm pse ishin të një kombësie tjetër nga pushtuesi.

Ditët e kaluara si refugjatë, janë ditët më të rënda për qytetarët e vendit tonë, andaj, këtë ditë kujtojmë vuajtjet e refugjatëve në botë, për të ofruar shtëpi të dytë dhe siguri për refugjatët.

commentFirst article
Sot mund të lexoni Shfletoni kopertinat