Tahiri: Vendimi i Veselit mund ta dëmtojë në votë PDK-në - Bota Sot
Tahiri: Vendimi i Veselit mund ta dëmtojë në votë PDK-në

Aktuale

Tahiri: Vendimi i Veselit mund ta dëmtojë në votë PDK-në

Më: 20 qershor 2019 Në ora: 22:32
Abelard Tahiri

Ministri i Drejtësisë dhe anëtari i Kryesisë së PDK-së, Abelard Tahiri ka thënë se Veseli ka vendosur një standard të ri në politikën vendore.

Tahiri në në RTV Dukagjini, ka thënë se Kadri Veseli me vendimin e tij për largimin e zyrtarëve që kanë aktakuza ka vendosur një standard të ri.

“Është e rëndësishme që për herë të parë një Kryetar i një partie politike vendosi një standard të tillë në Republikën e Kosovës. Ne e kemi të çartë se personat që kanë aktakuza dhe që janë në procese gjyqësore janë të pafajshëm deri në një vendim final të gjykatës”.

Ministri i Drejtësisë thotë se në të kaluarën nuk ka ekzistuar një standard i tillë në politikën vendore ky zyrtarët e rëndësishëm apo më pak të rëndësishëm të jenë larguar për shkak të proceseve gjyqësore.

“Është një hap jashtëzakonisht i rëndësishëm, pasi në asnjë rrethanë nuk mund të interferoj në procesin gjyqësorë, duke pasur parasysh se këta persona kanë pasur pozita të rëndësishme politike si ministër, sekretar apo këshilltar”, tha ai.

Tahiri ka thënë se edhe reagimi i personave të prekur nga ky vendim ka qenë shumë korrekt.

“Ky është një standard që duhet ndjekur edhe nga subjektet tjera politike dhe kryetarët e partive tjera”.

Anëtari i Kryesisë së PDK-së, ka thënë se për askënd nuk është e mirë ta liroj pozitën sidomos për ata zyrtarë që kanë qenë në mandat, por qëllimi ka qenë vendosja e standardit.

“Nuk është vullneti ynë politik që t’i dëmtojmë njerëzit tanë, sepse në fund të fundit mund të ketë efekt edhe në votë nëse nesër dalim në zgjedhje por ajo që është e rëndësishme që të vendosim një standard që njerëzit që janë në procese gjyqësore të mos drejtojnë institucione”, tha ndër të tjera Abelard Tahiri.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...