Kryeministri i Kosovës, Ramush Haradinaj ka tërhequr projektligjin për Financimin e Partive Politike, pasi dhe Shqoëria civile e kërkoi këtë përmes protestave.
Pas kësaj, ka reaguar hulumtuesi nga KDI, Eugen Cakolli, i cili ka thënë se kjo është vetëm gjysma e punës, përcjell Bota sot.
Përmes një postimi në llogarinë e tij në Facebook, ai ka thënë se tani mbetet që drafti i ri të përfshijë rekomandimet e shoqërisë civile, opinionin e Komisionit të Venedikut si dhe parimeve të ERA-s, në mënyrë që të garantohet transparencë dhe llogaridhënie lidhur me financat e subjekteve politike.
Postimi i tij i plotë:
Vendimi për tërheqjen e projektligjit është më se i duhur.
Por, kjo është vetëm gjysma e punës. Tani mbetet që drafti i ri të përfshijë rekomandimet e shoqërisë civile, opinionin e Komisionit të Venedikut si dhe parimeve të ERA-s, në mënyrë që të garantohet transparencë dhe llogaridhënie lidhur me financat e subjekteve politike.
