Kryeministri i vendit Ramush Haradinaj ka konisderuar se veprimet e Iranit në ngritjen e tensioneve në Gjirin Persik janë të gabuara, duke thënë se Kosova qëndron përkrah SHBA-së për t’i mbrojtur vlerat e lirisë, paqes dhe sigurisë.
“Kosova konsideron se veprimet e Iranit në ngritjen e tensioneve në Gjirin Persik janë të gabuara dhe qëndron përkrah të drejtës së ShBA-së për t’i mbrojtur vlerat e lirisë, paqes dhe sigurisë, kudo dhe kurdoherë”, ka shkruar Haradinaj në llogarinë e tij në Facebook.
