Berisha pritet në takim nga Ministrja e Jashtme e Suedisë, Margot Wallström - Bota Sot
Berisha pritet në takim nga Ministrja e Jashtme e Suedisë, Margot Wallström

Aktuale

Berisha pritet në takim nga Ministrja e Jashtme e Suedisë, Margot Wallström

Nga: Z.B Më: 24 qershor 2019 Në ora: 17:19
Pamje nga takimi

Zëvendësministri i Jashtëm, Anton Berisha, ka bërë të ditur se është pritur në takim nga Ministrja e Jashtme e Suedisë, znj. Margot Wallström.

Berisha përmes një postimi në Facebook ka shkruar se ishte qëndrim i përbashkët se marrëdhëniet dypalëshe janë të shkëlqyera dhe duhet avancuar, sidomos në fushën e investimeve ekonomike nga bizneset dhe ndërmarrësit suedezë.

“Z. Berisha ka informuar Ministren Wallström për gatishmërinë e Qeverisë së Kosovës për vazhdimin e dialogut me Serbinë, në një proces të qartë kohor dhe qëllimor, në njohjen reciproke që do të mundësonte zgjidhjen e çështjeve të hapura, duke përfshirë edhe bashkëpunimin tregtar”, ka shkruar ai.


Postimi i plotë:

Stockholm, 24 qershor 2019

Në kuadër te vizitës zyrtare dyditore në Suedi, zëvendësministri i Jashtëm Anton Berisha është pritur në takim nga Ministrja e Jashtme e Suedisë, znj. Margot Wallström.

Z. Berisha ka falënderuar Ministren Wallström për përkrahjen e Suedisë qysh nga vitet e ‘90ta, në fushën humanitare e më vonë politike, diplomatike dhe në përkrahjen e vazhdueshme në kuadër te Bashkimit Europian.

Ishte qëndrim i përbashkët se marrëdhëniet dypalëshe janë të shkëlqyera dhe duhet avancuar, sidomos në fushën e investimeve ekonomike nga bizneset dhe ndërmarrësit suedezë.

Z. Berisha ka kërkuar vazhdimin e përkrahjes se Suedisë, që liberalizimi i vizave për kosovarët të ndodhë brenda kësaj periudhe.

Z. Berisha ka informuar Ministren Wallström për gatishmërinë e Qeverisë së Kosovës për vazhdimin e dialogut me Serbinë, në një proces të qartë kohor dhe qëllimor, në njohjen reciproke që do të mundësonte zgjidhjen e çështjeve të hapura, duke përfshirë edhe bashkëpunimin tregtar.

Z. Berisha ka mirëpritur idetë e Ministres Wallstrom për iniciativa regjionale të tipit dhe sipas praktikave Nordike, si dhe përfshirjen e të rinjve të rajonit në projekte te përbashkëta rajonale dhe evropiane.

Z. Berisha në emër të Qeverisë së Kosovës e ka ftuar në vizitë në Kosovë Ministren Wallstrom, e cila është përgjigjur pozitivisht.
 

Image
Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...