Kryeministri Ramush Haradinaj deklaroi se prodhuesit vendorë janë përfituesit më të mëdhenj nga mundësitë që ka krijuar taksa 100 për qind.
Si dëshmi, ai përmendi punën e kompanisë “Frutex”, prodhues i brendit Golden Eagle me pronar Shaqir Palushi, të cilin e ka pritur sot në takim.
“Kjo kompani ka shtuar shitjen prej 30% në muajt e fundit, ka rritur eksportin në vendet evropiane dhe në kontinentin afrikan si dhe ka filluar investimet e reja, si mundësi të krijuara nga rritja e shitjeve dhe profitit”, tha Haradinaj.
Sipas tij, prodhuesit si kompania “Frutex” me 160 të punësuar përveç që janë ndër kontribuuesit më të mëdhenj në ekonominë e vendit, kanë arritur që të ofrojnë kualitet në tregun e brendshëm dhe ndërkombëtar dhe të fitojnë besimin e konsumatorëve.
“Në këtë vit të ekonomisë, këto parametra, dëshmojnë qartë që Qeveria e vendit duhet të vazhdojë me politikat që fuqizojnë dhe mbrojnë prodhuesit tanë dhe që ndërkombëtarizojnë etiketën ‘Made In Kosova!’”, tha Haradinaj.
