Zëvendëskryeministri i Kosovës, Enver Hoxhaj, ka reaguar ashpër pas rikthimit të Rusisë në Këshillin e Evropës, pasi që e njëjta ishte përjashtuar pasi kishte aneksuar Ukrainën pesë vite më parë.
Përmes një postimi në Twitter, Hoxhaj është shprehur se vendimi i sotëm i Këshillit të Evropës përbën dështim të këtij institucioni dhe rikthim në politikat e këqija të jashtme.
Sipas zëvendëskryeministrit të Kosovës, rikthimi i ulëses për Rusinë në Këshillin e Evropës shkel principet fundamentale, vlerat dhe misionin e organizatës.
“Këshilli i Evropës duhet të jetë mburojë e të drejtave të njeriut dhe mbështetës i demokracisë. Turp”, ka përfunduar Hoxhaj në postimin e tij.
Ky vendim ka pasur reagime të shumta edhe nga shtete të tjera të cilat në mënyrë direkte apo indirekte janë prekur nga ndikimi rus.
