Shefi i Grupit Parlamentar të Lidhjes Demokratike të Kosovës, Avdullah Hoti, ka kërkuar nga PSD-ja që të kërkoj falje që u bë pjesë e shkeljes kushtetuese.
Po ashtu, ai ka shkruar në Facebook, se aktvendimi i Gjykatës Kushtetuese është i qartë dhe se është bërë shkelje kushtetuese kur i janë marrë kompetencat kushtetuese qeverisë.
Postimi i plotë:
PSD-ja, në vend se të kërkoj ndjesë që u bë pjesë e shkeljes kushtetuese, po na fajëson neve që kemi mbrojtur Kushtetutën e Kosovës.
Aktvendimi i Gjykatës Kushtetuese është i qartë. Është bërë shkelje kushtetuese kur i janë marrë kompetencat kushtetuese qeverisë. Presidenti ka rol vetëm këshillimor, asgjë më tepër.
Kjo qeveri dhe pseudo-ekipi dialogues duhet të dorëhiqen. Përmes zgjedhjeve të reja, qeveria legjitime do ta marrë në dorë drejtimin dhe përfaqësimin e Kosovës në çdo proces, bazuar në një platformë kushtetuese, të koordinuar mes përfaqësuesve legjitim të qytetarëve të Kosovës.
