Kryeministri i Kosovës Ramush Haradinaj ka ngushëlluar familjen e Skënder Gashit, albanologut i cili ka ndërruar jetë sot pasdite.
Haradinaj ka shkruar se profesor Gash me dekada ka kontribuar për çështjen e Kosovës në organizimin e diasporës shqiptare, si dhe në mbrojtjen e të drejtës së Kosovës në Austri.
Postimi i Haradinajt:
I prekur nga lajmi për ikjen në amshim të Skënder Gashit, njërit nga filologët më të shquar të Kosovës, që jetoi dhe veproi në Vjenë. Profesor Gashi, me dekada ka kontribuar për çështjen e Kosovës në organizimin e diasporës shqiptare, si dhe në mbrojtjen e të drejtës së Kosovës në Austri. Ngushëllime familjes dhe miqve.