Ardian Shala ka mposhtur konkurrencën e ish-kryetarit të komunës së Suharekës, Sali Asllanajt, për t'u zgjedhur kryetar i degës së LDK-së në Suharekë.
Deputeti i LDK-së, Haxhi Avdyli, përmes një shkrimi në Facebook ka uruar Shalën për pozitën e re, ndërsa të njëjtën gjë e ka bërë edhe për ish-kryetarin Sali Asllanaj.
“Dega e LDK-së në Suharekë sot zgjodhi kryetar Dr Ardian Shalan, një njeri të kulturuar, profesionist,të urtë por edhe i guximshëm për të ballafaquar me sfidat. Po ashtu një falënderim e mirënjohje të veçantë i shkon kryetarit të deritashëm Sali Asllanaj, për punën e tij të palodhshme për LDK-në dhe bashkëpunimin korrekt që kemi pasur bashkë. Urime Theranda. Urime LDK”, shkruan ai në Facebook.
Kujtojmë që Shala më herët ishte zgjedhur edhe kryetar i nëndegës së LDK-së në fshatin Mushtisht.