Thaçi e quan të dështuar planin e Vuçiqit për veriun - Bota Sot
Thaçi e quan të dështuar planin e Vuçiqit për veriun

Aktuale

Thaçi e quan të dështuar planin e Vuçiqit për veriun

Më: 1 korrik 2019 Në ora: 13:00
Presidenti i Kosovës, Hashim Thaçi

Presidenti i Kosovës, Hashim Thaçi e quan të dështuar planin për krizë humanitare, derisa thotë se krizë humanitare nuk ka në Kosovë.

 Ndërkohë, sipas tij kjo është tendencë dhe improvizim i Serbisë.

 Thaçi: Ky pretendim i Serbisë është i dështuar

"Krizë humanitare nuk ka në Kosovë, ka improvizim dhe tendenca të serbisë për tiu paraqitur si viktimë qytetarëve serbë në veri të Kosovës. Prandaj është shumë me rëndësi që e gjithë bota demokratike të njeh realitetin dhe të kuptoj realitetin. Dhe ky pretendim i ri i Serbisë është i dështuar", tha Thaçi.

Presidenti i Kosovws ka uruar Shqipërinë për zgjedhjet lokale që janë mbajtur dje por pa komentuar rezultatin.

Thaçi: Uroj Shqipërinë për qetësi dhe pjekuri

"E imja nuk është  që të komentoj rezultatin zgjedhor por uroj Shqipërinë për qetësi dhe pjekuri gjithë qytetarët e vendit”, tha Thaçi.

 I pyetur se kush do të udhëheq bisedimet, pas vendimit të Gjykatës Kushtetuese se Ligji për Dialogun është antikushtetues dhe Ekipi Shtetëror për Dialogun është jo legjitimit, presidenti ka mohuar të përgjigjet.

Ndërkohë ka shtuar se Kosova do të përfaqësohet me përgjegjësi në dialogun me Serbi.

Thaçi: Kosova do të përfaqësohet në kuadër të kompetencave kushtetuese dhe ligjore

 "Kosova do të përfaqësohet me përgjegjësi të lidershipit institucional në kuadër të kompetencave kushtetuese dhe ligjore", ka thënë Thaçi.

Presidenti Thaçi këto deklarata i ka dhënë pas konferencës “Të gjithë së bashku me një zë” që është organizuar nga Bashkësia Islame e Kosovës.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...