Tahiri: Kosova, aleat i besueshëm i BE-së në luftën kundër terrorizmit - Bota Sot
Tahiri: Kosova, aleat i besueshëm i BE-së në luftën kundër terrorizmit

Aktuale

Tahiri: Kosova, aleat i besueshëm i BE-së në luftën kundër terrorizmit

Më: 3 korrik 2019 Në ora: 13:39
Pamje nga takimi

Ministri i Drejtësisë, Abelard Tahiri ka pritur sot në takim delegacionin e ekspertëve të Bashkimit Evropian, që po qëndrojnë në vizitë në Kosovë për të diskutuar veprimet e Kosovës në zbatimin Planit të Përbashkët kundër Terrorizmit për Ballkanin Perëndimor.

Tahiri i njoftoi delegacionin për ndryshimet ligjore, nisur nga ndryshimi i Kodit të ri Penal si dhe Kodit të ri të Procedurës Penale, që tashmë parasheh edhe gjykimin në mungesë dhe zgjatjen e hetimit për veprat e tilla, dhe që do të ndihmojnë Kosovën në luftim më efikas të këtyre dukurive.

Këto ndryshime ligjore, sipas tij, kanë mundësuar edhe krijimin e Departamentit Special në kuadër të Gjykatës Themelore të Prishtinës dhe në Gjykatën e Apelit, që do të trajtojnë lëndët e Prokurorisë Speciale, duke dëshmuar përkushtimin dhe vendosmërinë e institucioneve për luftë të pa kompromis kundër krimit të organizuar dhe terrorizmit.

Në kuadër të Planit të Përbashkët, Tahiri përmendi aksionin e përmbyllur më 19 prill, që ktheu në Kosovë 110 qytetarët kosovarë nga Siria. Ai siguroi delegacionin e Bashkimit Evropian që të gjithë të dyshuarit do të dalin para drejtësisë, ndërsa viktimat do të vazhdojnë rehabilitimin e tyre dhe riintegrimin në shoqëri. 

“Duke qenë anëtarë të Aleancës Globale Kundër ISIS, institucionet e Kosovës do të vazhdojnë të jenë të vendosura në përmbushjen e obligimeve të saja. Do të punohet që emri i Republikës së Kosovës të mos ndërlidhet në asnjë formë me luftën që po zhvillohet në Siri”, tha Tahiri.

Ministri gjithashtu u zotua për zbatim efektiv të Planit të Përbashkët kundër Terrorizmit për Ballkanin Perëndimor, të bashkëpunojë ngushtë me të gjitha shtetet e rajonit dhe shtetet anëtare të BE-së dhe të ofroj përvojën e Kosovës nga procesi i kthimit, programeve të rehabilimit dhe riintegrimit.

Nga ana e tyre, delegacioni nga Bashkimi Evropian kanë përgëzuar Kosovën në aksionin për kthimin e qytetarëve nga zona e konfliktit, rezultatet e arritura në përgjithësi në luftën kundër terrorizmit dhe ekstremizmit të dhunshëm dhe bashkëpunimin me Bashkimin Evropian dhe shtetet anëtare të saj.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...