Kryetari i Komunës së Mitrovicës, Agim Bahtiri, ka mbështetur vendimin e ministrit Behgjet Pacolli, për ndalin e vizitave të zyrtarëve serbë në Kosovë, përcjell Bota sot.
Përmes një postimi në llogarinë e tij në Facebook, Bahtiri ka thënë se veprimet e fundit të qeverisë së Serbisë për inskenim të krizës humanitare në veri e kanë tejkaluar çdo kufi, derisa ka apeluar dhe tek qytetarët në veri që të mos bien pre e presionit serb.
Postimi i tij i plotë në Facebook:
Mbështes fuqishëm vendimin ministrit të Ministrisë së Punëve të Jashtme, Behgjet Pacolli, për ndalimin e vizitave të zyrtarëve serb në Kosovë, deri në momentin që Serbia të ndryshoj qasjen destruktive ndaj Republikës së Kosovës.
Veprimet e fundit të Qeverisë së Serbisë për inskenimin e krizës humanitare në veri e kanë tejkaluar çdo kufi, prandaj shteti i Kosovës duhet të vazhdoj të merr vendime e duhura për të garantuar funksionimin e rendit dhe ligjit në tërë territorin e shtetit.
Apeloj edhe njëherë tek qytetarët e veriut pa dallim etnie që të mos bien pre e presionit të strukturave destruktive serbe, pasi që duhet të mendojnë për të ardhmen e fëmijëve të tyre.
AB./BS/
