Arrestohen dy zyrtarë për dallavere me patentëshoferë - Bota Sot
Arrestohen dy zyrtarë për dallavere me patentëshoferë

Aktuale

Arrestohen dy zyrtarë për dallavere me patentëshoferë

Më: 5 korrik 2019 Në ora: 16:01
Policia e Kosovës ka arrestuar pak minuta më parë edhe dy persona

Policia e Kosovës ka arrestuar pak minuta më parë edhe dy persona në qendrën për patent shoferë në Prishtinë.

Siç raporton media nga vendi i ngjarjes, bëhet fjalë për një ekzaminer dhe një kandidat për patent shoferë.

Në pyetje ndërkaq po merret edhe Drejtoresha e Departamentit për Patent Shoferë.

Ndërkohë Policia e Kosovës, në koordinim me Prokurorinë e Shtetit, është duke zhvilluar një aksion nëpër disa qendra ku mbahen provimet për autoshkollë.

Sipas këtij burimi, aksioni që ka filluar ditën e sotme është ende duke vazhduar e për këtë nuk mund të dalin me informata zyrtare.

Fillimisht, një tollovi filloi në qendrën ku mbahen provimet te Stacioni i Autobusëve në Prishtinë, ku, siç mësohet sot nuk është mbajtur asnjë provim, derisa ka pasur edhe të arrestuar.

Tutje, mësohet se bëhet fjalë për dy zyrtarë të Ministrisë së Infrastrukturës që janë arrestuar, mirëpo që një gjë të tillë nuk e kanë konfirmuar në Ministrinë përkatëse. T7, ndërkaq, raporton nga vendi i ngjarjes, derisa bëhet e ditur se aksioni po vazhdon ende.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...