Deputetja e Lëvizjes Vetëvendosje, Fitore Pacolli, ka thënë se ministria e Integrimit Evropian ka nënshkruar kontratë me Madison global Strategies LLC për shërbime të konsulencës ndërkombëtare për nevojat e Ministrisë.
Lidhur me këtë, ajo thotë se kjo është një kontratë për me vjedh buxhetin e shtetit, përcjell “Bota sot”.
Mes tjerash në postimin e saj, Pacolli pyet se çfarë shërbime do të kryen sa i përket SHBA-ve ngase kjo është Ministri e Integrimit dhe s’ka fare punë me SHBA-të.
Ja shkrimi i saj:
Kontratë për me vjedh buxhetin e shtetit...
Ministria e Integrimit Evropian ka nënshkruar kontratë me Madison global Strategies LLC për shërbime të konsulencës ndërkombëtare për nevojat e Ministrisë. Kjo kontratë i kushton buxhetit të 152.232,00 euro.
Në përshkrim shkruan që "sipas nevojave dhe kërkesave të MIE-së dhe institucioneve kyqe në proces [me këtë kontratë] kryhen shërbimet në SHBA dhe BE”.
Pyetja ime ishte cfarë shërbime do të kryen sa i përket SHBA-ve ngase kjo është Ministri e Integrimit dhe ska fare punë me SHBA-të.
Ministrja nuk dha përgjigje konkrete.
Shkurt e shqip kësaj i thonë kontratë për me vjedh buxhetin e shtetit. Nuk mbet Ministër pa e vjedh këtë vend.