Njohësi i çështjeve politike, Faik Krasniqi thotë se me këta pushtetarë gjithmonë ekziston rreziku për ndarjen e Kosovës. Ai thotë më tutje se sikur të pyetej Presidenti Thaçi, ai do t’i falte gjithçka Serbisë, çfarëdo që ajo do të kërkonte.
“Me këta pushtetarë gjithmonë ekziston rreziku për ndarjen e Kosovës, sepse kurrë nuk është bërë fjala për shkëmbim territori, por ndarjen e Kosovës. Nuk ka shkëmbim kur Serbia të merr qytete dhe fshatra, kurse Kosova vetëm disa fshatra të saj. Por e mira e gjithë kësaj është që këta nuk pyeten, sepse sikur të ishin pyetur, Presidenti Thaçi me kohë do t'ja falte Serbisë gjithçka çfarë ajo do të kërkonte. Perëndimi nuk e ka problem pse Kosova dhe Serbia shkëmbejnë territore, por hapet kutia e Pandorës që prek gjithë botën”, thekson analisti Krasniqi.