Shefi i Grupit Parlamentar të Nismës, Bilall Sherifi sonte në ‘Debat Plus’ ka folur për shkuarjen e njerëzve të Ramush Haradinajt në një takim sekret në Berlin, që kishte ndodhur në muajin e kaluar.
Sherifi thotë se Nisma nuk ishte e informuar fare për atë takim. Sipas tij, është dashur që së paku të ishte thirrur Limaj dhe Ahmeti, si kryesues të dialogut.
‘’Jo se ka njoftu Nismën. Limaj s’ka qenë i informuar. Por kjo s’ka rëndësi. E kam pyetë Limajn, Fatmir, kryetari jem. A ke qenë i informuar? Jo. A ke qenë i konsultuar? Jo. Jo. Pse të riaktualizohet kjo. Nëse është dashtë të shkohet, është dashtë si koalicion dhe ta thërrasë Limajn e Ahmetin e të shkojnë. Telashja për neve nuk ka qenë a ka mujt me i bë telefon por pse nuk është ftuar në takim urgjent që së bashku ta marrin vendimin’’.