Muaj më parë është folur shumë rreth raporteve të ish-kryeministrit dhe ish-presidentit të Shqipërisë, Sali Berisha, me Ushtrinë Çlirimtare të Kosovës, konkretisht të komandantit Adem Jashari, dhe akuzat e Presidentin Hashim Thaçi, se gjatë luftës pushteti i Berishës e kishte arrestuar pjesëtarë të UÇK-së.
Mirëpo, kohëve të fundit, në rrjetet sociale është duke qarkulluar një video e rrallë, ku shihet ish-presidenti i Shqipërisë, Sali Berisha, duke u bërë thirrje qytetarëve të Shqipërisë dhe të Kosovës për të luftuar ndaj regjimit të kasapit të Ballkanit, Sllobodan Millosheviç.
Kjo video është realizuar në kryeqendrën e Shqipërisë, ndërsa edhe përmes kësaj videoje shihet se në këtë tubim ishin mijëra persona.
Ndryshe, kujtojmë se Berisha, në një deklarim të bërë së fundi për luftën e UÇK-së, kishte thënë se lufta e Kosovës ishte e lavdishme, ndërsa kishte potencuar se Adem Jashari nuk është arrestuar asnjëherë në Shqipëri, dhe se deklarimet e presidentit të Kosovës janë të pavërteta.