Gjermania ka nevojë për rreth 70 mijë infermierë dhe këtë mungesë mund ta kompensojë vetëm me ardhjet nga vendet tjera. Kështu deklaroi sot në Prishtinë ministri i Shëndetësisë së Gjermanisë, Jens Spahn.
Ndërsa, Ministri i Shëndetësisë, Uran Ismaili, e ka quajtur ditë historike për Kosovën për faktin se kemi një zotim të Gjermanisë se do të ndihmojnë shëndetësinë e Kosovës
“Sot është një ditë historike për Kosovën për faktin se kemi një zotim të Gjermanisë se do të ndihmojnë shëndetësinë e Kosovës. Me nënshkrimin e kësaj marrëveshje është një hap i ri për të krijuar një sistem modern shëndetësor ne vend. Qëllimi i Kosovës mbetet që të merr praktika më të mira evropiane”, tha Ismaili.
Lidhur me këtë, njohësi i çështjeve politike në vend, Faik Krasniqi, përmes një postimi në Facebook ka thënë se largimi i kuadrove drejt Gjermanisë, ministri Uran Ismaili e quajti ditë historike për Kosvën, përcjell “Bota sot”.
Me qesh a po me qajtë ka pyetur Krasniqi.
"Largimin e kuadrove drejt Gjermanise, ministri i shendetesise Uran Ismaili e quan dite historike per Kosoven. Me qesh apo me qajte?".