(E plotësuar)- Kryeministri i Qeverisë, Ramush Haradinaj ka deklaruar se Kosovës i duhet një marrëveshje me Serbinë për njohjen reciproke me kufijtë ekzistues.
Haradinaj këto komente i bëri gjatë një takimi me një delegacion prej 56 studentësh të programit Akademia Verore, nga 28 shtete të ndryshme, ku tha se shpreson që marrëveshja me Serbinë të arrihet përmes dialogut.
Ai studentët i ka njoftuar me të arriturat dhe sfidat që ka vendi jonë, derisa ka shtuar se Kosova angazhohet për anëtarësim në Bashkim Evropian dhe në NATO.
Haradinaj: Na duhet një marrëveshje me Serbinë
“Është një sfidë për ne besimi brenda komuniteteve, kemi progres por kemi edhe punë për të bërë. Na duhet një marrëveshje me fqinjët tanë Serbinë për njohjen e kufijve ekzistues. Ne shpresojmë që dialogu do ta sjell këtë dhe përmes dialogut do ta arrijmë këtë, do të thotë që qëllimi jonë nuk është vetëm që të bashkohemi Evropës si anëtarë por gjithashtu edhe NATO-s në një botë që rreshtohemi me parimet që drejtohet nga SHBA dhe shtetet, aleatë tjerë“, tha ai.
Haradinaj para studentëve ka thënë se ekonomia jonë është shkatërruar tërësisht gjatë luftës, kurse, tash ka mungesë të vendeve të punës për rininë.
Sipas tij, sundimi i ligjit është përmirësuar dhe ende vazhdon të përmirësohet në luftimin e korrupsionit.
Haradinaj: Fokusi im është fuqizimi i sundimit të ligjit
“Fokusi im është fuqizimi i sundimit të ligjit dhe gjithashtu në aspektin ekonomik për herë të parë ne po implementojmë politika fiskale që janë shumë të avancuara për ndërmarrësit dhe prodhuesit”, tha ai.
Përndryshe, sot është dita e fundit e qëndrimit në Kosovë të 56 studentëve nga 28 shtete të ndryshme./
Haradinaj: Shpresoj se dialogu do të sjellë njohje të kufijve nga Serbia
Kryeministri i Kosovës Ramush Haradinaj priti në takim një delegacion prej 56 studentësh të programit Akademia Verore, nga 28 shtete të ndryshme.
Kryeministri Haradinaj i njoftoi ata me gjendjen aktuale në Kosovë.
Ai shpreson se dialogu me Serbinë do ta sjell njohjen e kufijve të Kosovës nga shteti i Serbisë.
“ Është sfidë për ne themelimi i besimit brenda komuniteteve dhe na duhet një marrëveshje me fqinjin tonë Serbinë për njohjen e kufijve, shpresoj se dialogu do ta sjell këtë” tha Haradinaj.
Ai tha se Kosova është shtet multietnik me shumicë shqiptare, por që kjo nuk pengon në ndërtimin e besimit ndëretnik.
Sot është dita e fundit e qëndrimit në Kosovë të 56 studentëve nga 28 shtete të ndryshme.
