Shefi i deputetëve të PSD-së, Dardan Sejdiu, ka thënë se ai është idhtar, që partitë në opozitë të shkojnë të bashkuar në zgjedhjet e jashtëzakonshme.
Në Debat D, Sejdiu ka thënë se një listë e përbashkët mes LDK-së, VV-së dhe PSD-së, do të ishte një ide e mirë për situatën që sot është krijuar në vend, pas dorëheqjes së Ramush Haradinajt, nga posti i kryeministrit.
Sejdiu e ka mohuar mundësinë që PSD të bëhet pjesë e ndonjë qeverie teknike, e cila do të mund t’i pamundësontë zgjedhjet e parakohshme.
Se vendi duhet të shkojë në zgjedhje dhe nuk do të mund të formohet qeveri teknike, e ka thënë edhe sot gjatë ditës, kryetari i PSD-së, Shpend Ahmeti.