Veseli thotë se dorëheqja e Haradinajt ishte personale, tregon a do të ketë zgjedhje - Bota Sot
Veseli thotë se dorëheqja e Haradinajt ishte personale, tregon a do të ketë zgjedhje

Aktuale

Veseli thotë se dorëheqja e Haradinajt ishte personale, tregon a do të ketë zgjedhje

Nga: A.M. Më: 20 korrik 2019 Në ora: 17:45

(E plotësuar) - Kryetari i Partisë Demokratike të Kosovës (PDK), Kadri Veseli ka theksuar se vendimi i ish-kryeministrit, Ramush Haradinaj, për dorëheqje, është vendim personal dhe si të tillë e kanë pranuar.

Në pasditen e sotme, Veseli mbajti një konferencë për media, pas kthimit të tij nga vizita zyrtare që ka zhvilluar në Shtetet e Bashkuara të Amerikës. Ai tha se tash zgjedhjet janë të pashmangshme dhe duhet të ulen e të flasin për kohën e mbajtjes së zgjedhjeve.

Veseli: Zgjedhjet e parakohshme janë të pashmangshme

“Vendimi i ish-kryeministrit për dorëheqje është vendim personal dhe si të tillë e kemi pranuar, pavarësisht që për këtë nuk kemi pasur asnjë njoftim ose konsultë paraprake. Tashmë, zgjedhjet e parakohshme janë të pashmangshme. Partia Demokratike e Kosovës është e gatshme për zgjedhje, kurdo që caktohen ato. Ajo që mund të diskutohet tash është vetëm koha kur ato duhet të mbahen. Për këtë, besoj se do të kemi konsulta edhe me partnerët e koalicionit të deritashëm dhe me partitë tjera politike, në pajtim me Kushtetutën dhe Ligjet në fuqi”, tha Veseli.

Veseli tregoi se sapo është kthyer nga një vizitë e rëndësishme në SHBA, dhe kërkoi nga qytetarët të kenë besim të plotë, se shteti ynë, sovraniteti dhe integriteti janë dhe do të jenë të pacenuara përjetë.

Image

Veseli: Kosova qëndron fort afër me partnerët e vet perëndimorë

“Kosova qëndron fort afër me partnerët e vet perëndimorë, Shtetet e Bashkuara të Amerikës dhe Bashkimin Evropian. Mbi çdo interes individual dhe partiak, qëndron Kosova. Si PDK, falënderojmë dhe sigurojmë qytetarët për përkrahjen dhe besimin e qëndrueshëm e të përbashkët në interes të vendit tonë dhe vlerave tona perëndimore. I sigurojmë ata se do t’i kryejmë të gjitha përgjegjësitë tona për t'i dhënë vendit një Qeveri me mandat dhe legjitimet qytetar, sa më parë”, tha kryetari i PDK-së, Kadri Veseli.

***

Kryetari i Partisë Demokratike të Kosovës, Kadri Veseli ka thënë se partia e tij është e gatshme për zgjedhje, madje tha se ato janë të pashmangshme.

Veseli, në një konferencë për shtyp pas kthimit nga vizita zyrtare në SHBA, tha se tash do të ulen të flasin për kohën që duhet mbajtur zgjedhjet.

Ai tha se vendimi për dorëheqje i kryeministrit Ramush Haradinaj ishte personal dhe se për të nuk ishin njoftuar më herët. 

“Vendimi i ish-Kryeministrit për dorëheqje është vendim personal dhe si të tillë e kemi pranuar, pavarësisht që për këtë nuk kemi pasur asnjë njoftim ose konsultë paraprake. Tashmë, zgjedhjet e parakohshme janë të pashmangshme.
Partia Demokratike e Kosovës është e gatshme për zgjedhje, kurdo që caktohen ato. Ajo që mund të diskutohet tash është vetëm koha kur ato duhet të mbahen.

Për këtë, besoj se do të kemi konsulta edhe me partnerët e koalicionit të deritashëm dhe me partitë tjera politike, në pajtim me Kushtetutën dhe Ligjet në fuqi”, tha Veseli.

Ai tha se qytetarët tanë të kenë besim të plotë se shteti ynë, sovraniteti dhe integriteti - janë dhe do të jenë të pacenuara përjetë!

“Dhe, Kosova qëndron fort afër me partnerët e vet perëndimorë, Shtetet e Bashkuara të Amerikës dhe Bashkimin Europian. Mbi çdo interes individual dhe partiak - qëndron Kosova! Si PDK, falënderojmë dhe sigurojmë qytetarët për përkrahjen dhe besimin e qëndrueshëm e të përbashkët në interes të vendit tonë dhe vlerave tona perëndimore. I sigurojmë ata se do t’i kryejmë të gjitha përgjegjësitë tona për t'i dhënë vendit një Qeveri me mandat dhe legjitimet qytetar, sa më parë”, tha Veseli.
 
Duke folur për ftesat për luftëtarët e UÇK-së që po vijnë nga Gjykata Speciale, e që mund të vijnë edhe në vazhdim, sipas Veselit nuk duhet të lejohet të shkaktojnë huti dhe pasiguri te qytetarët tanë.

“Besimi ynë në drejtësinë dhe pastërtinë e luftës së Ushtrisë Çlirimtare të Kosovës është i palëkundur, ashtu si edhe bindja jonë se ushtarët e lirisë do të dalin faqebardhë edhe në fund të kësaj sfide”, ka deklaruar Veseli në konferencë për media.

***

Kryetari i Partisë Demokratike të Kosovës, Kadri Veseli po mban konferencë për media.

***

Pasi që i pari i Qeverisë, Ramush Hardinaj dha dorëheqje, i cili ndërkohë kërkoj edhe nga presidenti i Kosovës, Hashim Thaçi që t`i shpallë zgjedhjet e jashtëzakonshme.

Pas këtij veprimi të Haradinaj, Kryetari i Partisë Demokratike të Kosovës, Kadri Veseli, ka paralajmëruar që do të mbaj konferencë për media, shkruan “Bota sot”.

Këtu ka njoftuar PDK-ja përmes një njoftimi për media, konferenca do të mbahet në selinë e kësaj partie në orën 18:30.

Ndërsa, nuk bëhet e ditur se për çfarë do të flas Veseli.

Ndryshe, PDK-ja është në koalicion me AAK-në dhe Nismën, si dhe me disa parti të vogla, por pas vendimit të Haradinajt nuk dihet se kush do të jetë ushtruesi i detyrës së kryeministrit.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...