Ramush Haradinaj dha dje dorëheqje nga posti i kryeministrit.
Dorëheqja e tij vjen pasi që Haradinajt i erdhi ftesë nga Specialja për t’u paraqitur si i dyshuar në Hagë.
Megjithatë, ai gjatë ditës së nesërme do të ketë edhe një aktivitet si kryeministër i vendit.
Ai do të marrë pjesë në Akademinë Përkujtimore për atdhetarin Shejh Myhedin Shehu.
“Kryeministri Ramush Haradinaj merr pjesë në Akademinë Përkujtimore dhe në zbulimin e shtatores së atdhetarit, Shejh Myhedin Shehu, organizuar nën patronatin e Zyrës së Kryeministrit”, thuhet në njoftim.
Ndërkaq të hënën, Haradinaj do të dorëzojë edhe zyrtarisht letrën e dorëheqjes tek presidenti Thaçi.
