PDK-ja i kërkon Thaçit ta caktojë datën e zgjedhjeve - Bota Sot
PDK-ja i kërkon Thaçit ta caktojë datën e zgjedhjeve

Aktuale

PDK-ja i kërkon Thaçit ta caktojë datën e zgjedhjeve

Më: 22 korrik 2019 Në ora: 14:13
Nënkryetari i Partisë Demokratike të Kosovës, Memli Krasniqi

Nënkryetari i Partisë Demokratike të Kosovës, Memli Krasniqi, njëherit edhe shef i Grupit Parlamentar të PDK-së ka treguar qëndrimin e PDK-së për zgjedhjet.

Ai ka thënë se qëndrimi i Partisë Demokratike të Kosovës tashmë është shprehur shumë qartë nga kryetari Veseli dhe se Partia Demokratike e Kosovës, jo vetëm që është e gatshme, por edhe shumë e interesuar që zgjedhjet të mbahen sa më shpejt.

“Besojmë që edhe Presidenti do të fillojë konsultimet menjëherë, ashtu që të mos humbet kohë dhe data e zgjedhjeve të cakohet sa më parë që të jetë e mundur”, është shprehur Krasniqi.

Ndërsa, sa i përket ndonjë koalicioni të mundshëm me partitë tjera, Krasniqi ka thënë se kjo është një çështje për të cilën ne do të diskutojmë gjatë ditëve në vijim.

“Në traditën e PDK-së ne gjithmonë kemi pasur edhe partnerë më të vegjël në koalicion, por nuk është e domosdoshme, megjithatë si mundësi do ta shqyrtojmë gjatë ditëve në vijim”, ka thënë Krasniqi.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...