Haradinaj ia dërgon Kuvendit letrën e dorëheqjes - Bota Sot
Haradinaj ia dërgon Kuvendit letrën e dorëheqjes

Aktuale

Haradinaj ia dërgon Kuvendit letrën e dorëheqjes

Më: 22 korrik 2019 Në ora: 15:52
Ramush Haradinaj

Ramush Haradinaj ka dorëzuar sot në Kuvendin e Kosovës zyrtarisht letrën e dorëheqjes

Këtë e ka bërë të ditur Drejtoria për media dhe marrëdhënie me publikun e Kuvendit, përmes një komunikate.

“Sot, kryeministri në dorëheqje i Qeverisë së Kosovës, Ramush Haradinaj, ka dorëzuar në Kuvend zyrtarisht letrën e dorëheqjes së tij. Letra e dorëheqjes u është proceduar menjëherë anëtarëve të Kryesisë së Kuvendit dhe kryetarëve të grupeve parlamentare”, thuhet në njoftim.

Haradinaj ka dhënë dorëheqje të parevokueshme nga pozita e Kryeministrit të Kosovës të premten e javës së kaluar.

Në njoftimin për dorëheqjen e tij, Haradinaj ka treguar se është ftuar nga Gjykata Speciale për t’u intervistar.

Haradinaj ka thënë se nuk do të shkojë në cilësinë e të parit të Qeverisë, pasi sipas tij kjo do të ia rëndonte Kosovës gjendjen.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...