Kërkohet përforcimi i sundimit të rendit dhe ligjit - Bota Sot
Kërkohet përforcimi i sundimit të rendit dhe ligjit

Aktuale

Kërkohet përforcimi i sundimit të rendit dhe ligjit

Më: 22 korrik 2019 Në ora: 16:08
Ekrem Mustafa dhe Bernd Thran

Ministri në detyrë i Punëve të Brendshme, Ekrem Mustafa ka pritur sot në takim ushtruesin e detyrës së shefit të misionit EULEX-it në Kosovë, Bernd Thran, me të cilin ka biseduar në lidhje me bashkëpunimin e deritanishëm reciprok, si dhe vazhdimin dhe thellimin e bashkëpunimit në mes të të dy institucioneve.

Gjithashtu, u bisedua për lëvizjen e lirë të qytetarëve në Republikën e Kosovës ku u kërkua të intensifikohet edhe më tej puna e organeve të sigurisë në përforcimin e sundimit të rendit dhe ligjit.

Po ashtu, të dy bashkëbiseduesit folën lidhur me projektet e përbashkëta, më ç’rast Thran shprehu gatishmërinë e EULEX për vazhdimin e bashkëpunimit dhe koordinimit me institucionet e Republikës së Kosovës.

Në vazhdën e avancimit të pajisjeve që shfrytëzohen nga MPB dhe agjencitë e saj, në ditët në vazhdim pritet që Ministria e Punëve të Brendshme të pranojë një donacion nga EULEX-i.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...