Botuesi i gazetës kombëtare “Bota sot”, Xhevdet Mazrekaj, ka publikuar një fotografi të Halil Matoshit, këshilltarit të kryeministrit në dorëheqje, Ramush Haradinaj, të cilin e ka quajtur këshilltar tallava.
Në foton e publikuar nga Mazrekaj në llogarinë e tij në Facebook, Matoshi shihet teksa vallëzon mbi një tavolinë, në një aheng, në një tavolinë të bukës me ushqim, ku është më këpucë, të cilat nuk i ka zbathur, shkruan Bota sot.
Mazrekaj ka pyetur se çka i duhet kryeministrit një këshilltar që ka përkrahur tezat e Millosheviqit, i cili deklaronte vazhdimisht se shqiptarët janë turq, ka kërkuar publikisht që busti i Skënderbeut të hiqet nga Sheshi Nëna Terezë, predikon fuqishëm idenë e kombit kosovar kundrejt kombit shqiptar dhe k.a nostalgji për Turqinë dhe dikur kishte kërkuar edhe një konfederatë islamike me Turqinë.
Më poshtë postimi i plotë në Facebook i Xhevdet Mazrekaj:
Këshilltari tallava i kryeministrit në dorëheqje Ramush Haradinaj!
Miq, a mund të më tregoni se çka i duhet kryeministrit një këshilltar që:
Nën 1. Ka përkrahur tezat e Millosheviqit, i cili deklaronte vazhdimisht se shqiptarët janë turq
Nën 2. Ka kërkuar publikisht që busti i Skënderbeut të hiqet nga Sheshi Nëna Terezë
Nën 3. Predikon fuqishëm idenë e kombit kosovar kundrejt kombit shqiptar
Nën. 4 Ka nostalgji për Turqinë dhe dikur kishte kërkuar edhe një konfederatë islamike me Turqinë
PS: Nostalgjinë dhe dëshirën për “turqizmin” e Kosovës e ka shfaqur edhe në fotografinë që po e shihni.
Luj Halil, Luj...